જીવન માં એક

જીવન માં એક સારી જીત મળે તો ઘણું.

માંગ્યા વિના જ તારી પ્રિત મળે તો ઘણું,

ઘણા રસ્તા પડે છે આ મોડ પર,

સાવ અચાનક જ મને તારી રાહ મળે તો ઘણું…!




Sweetu Gargi

શકય હો તો, કર કદી આવી કમાલ

શકય હો તો, કર કદી આવી કમાલ

રાખ કોરા પગ અને પાણીમાં ચાલ

એમના ઉત્તરની માણું છું મજા

કયાં હવે છે યાદ પણ મારો સવાલ

હા, વસી છે એમાં ખુશબૂ કોઇની

ના અમસ્તી સાચવી છે મેં ટપાલ

ખ્યાલની ખોટી બધી બાંહેધરી

કોઇ ના રાખે છે કોઇનો ખયાલ

આમ તો દરવાજા ઊઘડશે નહીં

તારે શાયદ તોડવી પડશે દીવાલ

કોડિયુંયે જેમના ઘરમાં નથી

હોલવી નાખી છે એ લોકે મશાલ

ચાલ ‘દિપક’, એમની શેરી મહીં

આજ નાખી આવીએ થોડો ગુલાલ

- દિપક બારડોલીકર